Chandni raat alvida kah gayi hai,
ab ek thandi si hawa dastak de rahi hai,
uth kar dekho ye subah ka najara,
ye subah aapko good morning kah rahi hai.
Raat ki chandni se maang lu savera,
phoolo ki chamak se maang lu rang gahra,
daulat aur shohrat se tallukh nahi hai hamara,
hume to bas chahiye har subah me sath tumhara.
Sapno ki duniya se ab laut aao,
ho gayi hai subah ab tum jaag jaao,
chand taaro ko ab kah do alvida,
aur is naye din ki khushiyon mein kho jaao.
Baaho mein aa kar humse lipat jana,
nazro se nazar mila kar dil mein utar jana,
har subah apne hotho se chumkar hume jagana,
meri har baato ko bin kahe hi samajh jana.
Har subah bas itni si chahat hai,
ki har subah bas tera deedar ho,
har subah tum uthao hume pyar se,
aur har din mohabbat ki nayi shuruaat ho.
Phool khilte rahe zindagi ki raaho mein,
hansi chamakti rahe aapki nigaho mein,
har subah kadmo mein khushiyo ki bahar ho,
aur har janam mere paas tumhara hi pyar ho.
Subah hote hi jab duniya abaad ho jaati hai,
aankhe khulte hi aapki yaad aa jaati hai.
har subah bas baat hoti rahe aapse,
baat karke aapse khushiya duguni ho jaati.
Sapno ki tarah hum saja kar rakhenge,
chand ki nazro se chupa kar rakhenge,
har subah tum mere aankho ke samne rahoge,
puri zindagi tujhe palko pe bitha kar rakhenge.
Taaji hawa mein phoolo ki mahak ho,
pahli kiran mein chidiyon ki chahak ho,
jab bhi kholo tum apni palke,
un palko mein bas khushiyo ki jhalak ho.
Meri aankhe khule to samne ho chehra tumhara,
har subah tere labo se shuru ho subah meri,
ek tere siva kuch na maangu main rab se,
ek tu hi to hai zindagi jeene ki wajah meri.
Gulab khilte rahe zindagi ki raho mein,
hansi chamakti rahe aap ki nigaho mein,
khushi ki lahar kile har kadam par aapko,
dil deta hai yahi duaa baar baar aapko.
Wada kiya hai to jarur nibhayenge,
suraj ki kiran bankar chhat pe aayenge,
chahe kitni bhi doori ho hamare bich mein,
hum teri har subah ko phoolo se sajayenge.
Safar wahi tak hai jaha tak tum ho,
nazar wahi tak hai jaha tak tum ho,
hazaro phool dekhe hai is gulshan mein magar,
khushboo wahi tak jaha tak tum ho.
Har raat khwaab apka hota hai,
har subha khayal apka hota hai,
aankhen khulti nahi hamari,
usse pehle labon pe naam apka hota hai.
Chahat hai hamari har subha uthaye tumko,
pyar se seene se lagaye tumko,
pyar mein koi kami na rahe hamari,
subah tak baho mein ghere rakhe tumko.